منتديات عالم العندليب الأسمر عبد الحليم حافظ رحمه الله

منتديات عالم العندليب الأسمر عبد الحليم حافظ رحمه الله


 
الرئيسيةس .و .جبحـثالتسجيلدخولتسجيل دخول الاعضاء
شاطر | 
 

 كلمات أغانى الفنان سيد مكاوى

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: كلمات أغانى الفنان سيد مكاوى   الخميس 20 يونيو 2013 - 22:53

اسال مره علي
إسأل مرة عليَّ قل لي قساوتك ليه
أنا أفديك بعيني أكثر منهم إيه 
إسأل مرة عليَّ إسأل عليَّ مرة
إيه أغلى من قلبي وهبت إليك
شافك مرة حبك ياما سألني عليك 
و إنت ما تسأل بي قل لي قساوتك ليه
أنا أفديك بعيني أكثر منهم إيه
إسأل مرة عليَّ إسأل عليَّ مرة
تحكم في و تأمر ولا عارف أراضيك
فكر قبل ما تهجر و تبيع قلب شاريك 
و إنت ما تسأل بي قل لي قساوتك ليه
أنا أفديك بعيني أكثر منهم إيه
إسأل مرة عليَّ إسأل عليَّ مرة
إنت الكلمة الحلوة وعيونك معانيها
وإنت جمالك غنوة وأبقى باغنيها 
وإنت عيجميل في عينيَّ قل لي قساوتك ليه
أنا أفديك بعيني أكثر منهم إيه
إسأل مرة عليَّ إسأل عليَّ مرة






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:54

الأرض بتتكلم عربي
الأرض بتتكلم عربى وقول الله
ان الفجر لمن صلاه
ماتطولش معاك الآه
الأرض ..الأرض .. الأرض
الأرض بتتكلم عربى
الأرض بتتكلم عربى ومن حطين
رد على قدس فلسطين
أصلك ميه وأصلك طين
الأرض ..الأرض .. الأرض
الأرض بتتكلم عربى
الأرض بتتكلم عربى بوجد وشوق
الفرع اللى يهم لفوق
لأجل الجذر يشم الضوء
الأرض ..الأرض .. الأرض
الأرض بتتكلم عربى
الأرض بتتكلم عربى ولا ترتاح
واصل كالسيل للمجتاح
فتحك ياعبد الفتاح
الأرض ..الأرض .. الأرض
الأرض بتتكلم عربى
الأرض بتتكلم عربى






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:55

الا فلسطين
ولا في قلبي ولا عينيّ إلا فلسطين
وأنا العطشان ماليش ميّه إلا فلسطين
ولا تشيل أرض رجليّ وتنقل خطوتى الجاية
إلا فلسطين
أنا العطشان ماليش ميّه إلا فلسطين
---
عشان الأرض تتطهر ويرجع لي الشجر والدار
على طول الحدود أسهر ليالي ما تفارقش نهار
أنا الواقف في خط النار وأنا اللي حلفت بالأزهر
أنا اللي حلفت بالأزهر وبالأقصى وبأميّة
ولا تشيل أرض رجليّ وتنقل خطوتى الجاية
إلا فلسطين
---
سلاح الثوره متدرّب على الثورة لا بد يثور
يخلّي الغرب يتغرّب يخلّي الشرق زايد نور
وكل رصاصه بتقرب ولادي من حواليّ
ولا تشيل أرض رجليّ وتنقل خطوتي الجايه
إلا فلسطين
أنا العطشان ماليش ميّة
إلا فلسطين






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:55

الليل بدموعه قاسي
الليل بدموعه قاسي .. ويا ويلي من ساعاته
والصبر لسه ساكت .. ويا ويلي من سكاته
توعدني بفرحتي .. واستني بضحكتي
زي الورده ما تبقى مستنيه الندى
وتغيب وتفتكر .. وتجيني وتعتذر
فين القلب اللي يقدر يستحمل كل ده؟
وارجع تاني واقولك ريحني الله يخليك
عشان المركب تقدر تمشي بيا وبيك
ما تفوتنيش انا وحدي .. افضل احايل فيك
ما تخليش الدنيا تلعب بيا وبيك
خلي شويه عليا .. وخلي شويه عليك
خلي شويه عليك .. وشويه عليك






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:56

الليلة الكبيرة (اوبريت)
قبة سيدنا الولي دول نوّروها
ما أحلى البيارق والناس بيزروها
قبة سيدنا الولي .. والقهوة عالية
ما احلى البيارق لما دوّروها

بتاع الحمص يقول :
حمص حمص تل ما ينقص عالنار يرقص
حمص حمص تل ما ينقص عالنار يرقص
حمص حمص تل ما ينقص عالنار يرقص
يرقص يرقص ويقول .. الي شاف حمّص ولا كلش
حب وأتلوع ولا ولا طلشي
تضحك الفتاة .. :
وتقول
يسترك هات حبة بقرش
يضحك الشباب
ها .. ها .. ها
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى
حمّص .. حمّص .. حمّص
حمّص .. حمّص .. حمّص
أسعى .. أسعى .. أسعى .. أسعى
مصوّراتي يقول :
خدلك صورة ستة في تسعة
أسعى .. أسعى .. أسعى .. أسعى
خدلك صورة ستة في تسعة
يا سي عجورة النار خسعة
رجال وبائعين في المولد يقولون :
الله .. الله .. الله
عجمية .. باللوز .
الله .. الله .. الله
طعمية .. أراجوز
الله .. الله .. الله .. الله .. الله .. الله
الاراجوز يقول ومعه الاطفال :
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر
دول فلاحين ودول صاعدية
دول من البلد ودول رشايدة
حوار بين الاراجوز والعمدة
العمدة : يا حضرة الاراجوز قولي
الاراجوز : نعم يا عمدة عاوز ايه
العمدة : منين يروحو المتولي
الاراجوز : فتح يا اخينا وصلي عليه
العمدة : صلى اللهم صلي عليه
الاراجوز : تمشي كده على طول على طول لحد ما تلاقي عمارة
العمدة : لحد ما الاقي عمارة
الاراجوز : تكسر يمين تلقى بتاع فول دكانته على ناصية حارة
العمدة : دكانته على ناصية حارة
الاراجوز : تدخل يمينك وشمالك شارعين وفي التالت تكسر
العمدة : شارعين وفي التالت أكسر
الاراجوز : على اليمين واخد بالك .. وتمشي على طول تتمخطر
العمدة : وأمشي على طول واتمخطر
الاراجوز : تفضل كده تمشي وتلف .. وتخش من مطرح ما طلعت
العمدة : وأخش من مطرح ما طلعت
الاراجوز : ولما تلقى مقلة لب .. تعرف بأنك تهت وضعت
العمدة : ااهاا دي وصفة سهلة ..
الاراجوز : سهلة اوي
العمدة : ودي وصفة هايلة
الاراجوز : مع السلامة .. مع السلامة .. مع السلامة يا ابو عمة مايلة
الاطفال : مع السلامة يا ابو عمة مايلة .. مع السلامة يا ابو عمة مايلة
رجل يدعو الشباب للتصويب ببندقية في المولد يقول :
فتّح عينك تاكل ملبن
فينك فينك .. تاكل ملبن
فتّح عينك تاكل ملبن
فينك فينك .. تاكل ملبن
أوعى لجيبك للعيب عيبك
قرّب .. جرّب .. نشّن
وسطن ايدك .. وسطن
أضرب ..
ضرب أحد الشباب بالبندقية .. واصاب الهدف .. فقال له صاحب البندقية :
يحميك يا ابني تبقى غالبني
قرّب خدلك حتة ملبن
قرّب خدلك حتة ملبن
قرّب خدلك حتة ملبن
رجل يبيع العاب للأطفال يقول :
فوريرة للعيل
يا ابو العيال ميّل
خدلك سبع فرارير
زمّارة شخليلة
عصفورة يا حليلة
طراطير يا واد طراطير
طراطير يا واد طراطير
طراطير .. طراطير طراطير طراطير
طراطير .. طراطير طراطير طراطير
في السيرك رجل يقول :
الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد
الليلة .. اللية السيرك تعالو دي فرجة تساوي جنيه قولو هيه ..
هيه هيه هيه
بمناسبة هذا المولد يا ولاد زورنا يا ولاد قولو هيه
هيه .. هيه .. هيه
في السيرك شجيع يهجم على السبع ويركب دغري عليه قولو هيه ..
هيه هيه هيه
وبنات قمرات زي الشربات حلوين مش عارف ليه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
وكمان بلياتشو تعالو اسمعو ناتشو
وشوفو حيعمل ايه قولو هيه
هيه .. هيه .. هيه
رجل يستعرض عضلاته في السيرك .. او ربما في ركن اخر على أرض المولد يقول :
أنا شجيع السيما
أبو شنب بريمة
أنا شجيع السيما
أبو شنب بريمة
أول ما اقول علي هب
واصرخ لي صرخة
ها .. ها .. ها
السبع يتكهرب ويبقى فرخة
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
حالا بالا سأصارع أسد أنما ايه متوحش
وحخلي وجهه شوارع
تصقيفة يا ناس ميصحش
تصقيفة يا ناس ميصحش
الاسد وصل .. ويقول الرجل :
أهو جه أهو جه .. تصقيفة بقى
أهو جه أهو جه .. تصقيفة بقى
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
تصقيفة أومال .. تشجيعة أومال
تصقيفة أومال .. تشجيعة أومال
تعالى لالي اللاي اللالي يا حبيبي تعالى لالي
فرقة موسيقية عابرة .. يقول رجل فيها :
دقي يا مزيكا
واحد واقف بشوية أكل .. سمك .. منبار .. فشة في المولد يقول :
السمك مقلي .. كل وبرقلي
صنف زي الفل
استخار واختار
فشة أو منبار
يلا يلا سمي وكل
يلا يلا سمي وكل
يلا يلا سمي وكل
يلا يلا سمي وكل

فتاة تغني وتدعو الأمهات ليباركن أولادهن وتقول :
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا عريس يا صغير علقة تفوت ولا لحد يموت
لابس ومغير وحتشرب مرقة كتكوت
يا أم المتطهار رشي الملح سبع مرات
يا أم المتطاهر رشي الملح سبع مرات
في مقامه الطاهر خشي وقيدي سبع شمعات
بالذمة ده سابع عيّل مزفوف من وقت قليل
مولد شلاه يا معلم .. عقبال أولادك
عالقهوة
رجل القهوة يقول :
واحد مظبوط واتنين مصري
عالنار حاضر جايلك دغري
فنان يغني على القهوة ويقول :
مساء التماسي .. مساء التماسي
يا ورد قاعد على الكراسي
مسى التماسي .. مسى التماسي
يا ورد قاعد على الكراسي
رجل جالس على القهوة يقول :
هات شاي يا دقدق ..
دقدق رجل القهوة يقول :
عيني وراسي
سمعنا يا ريس حنتيرة
للصبح معاك السهيرة
الجالسون على القهوة يقولون :
سمعنا .. سمعنا .. سمعنا .. سمعنا
الريس حنتيرة يغني ويقول :
يا غزال .. يا غزال العشق حلال دوبتني دوب خلتني خيال خيال
يا غزال .. يا غزال العشق حلال دوبتني دوب خلتني خيال خيال
يااااااه .. يا شفتك فص فراولة .. ولا لا قوة ولا حول
دوبتني قلبي على لولاه .. يا غزال العشق حلال
يـــــــــــــــــــــا ليل
يــــــــــــــــــــــــا ليل
يارب يا عالم بالحال .. تهدي حبيبي ويصبح عال
يارب يا عالم بالحال .. تهدي حبيبي ويصبح عال
واغني وارقع بالموال .. واقول يا غزال يا غزال
يـــــــــــــــــا ليل
صاحب القهوة يقول بغضب :
وقّف يا ريس حنتيرة
فيه ناس هنا قاعدة كتيرة
ولا حد قال هات تعميرة ولا واحد شاي
اه .. الي حيطلب راح يقعد ولا ما يطلبش يبعد
رجل جالس على القهوة يخرج بسبب ما قاله صاحب القهوة ويقول :
يلا بينا نخرج يا مسعد شارع التورماي
يكمل الريس حنتيرة غنائه ويقول :
يــــــــــــا ليل .. يـــــــــــــــــا ليل
يا غزال يا غزال العشق حلال دوبتني دوب خلتني خيال خيال
يا غزال يا غزال العشق حلال دوبتني دوب خلتني خيال خيال
صاحب لعبة لأظهار القوة يقول :
ورينا القوة .. يا ابني انت وهو
مين عنده مروّه وعاملي فتوة
يقدر بقادرة على زق الطارة .. ويفرقع بومة
رجل وقع في القخ واعلن عن دخوله للعبة وقال :
وسع .. وسع .. وسع
أنا أزق الطارة وأضرب مية بومة
ده أنا اللسطة عمارة من ضرب شاكما
صيتي من القلعة للقلعة للسوق تلالة
أنا واخد السمعة
صاحب اللعبة يقول :
طيب يلا تعالى
الرجل :
لا يا عم سعيدة
دي البدلة جديدة
صاحب اللعبة بتهكم :
هأ هأ هأ سعيدة يا ابو بدلة جديدة
الاطفال يقولون ايضا بتهكم :
هأ هأ هأ سعيدة يا ابو بدلة جديدة
الرجل الذي ترك القهوة السابقة فارا من كلام صالحبها يقول وقد وجد قهوة اخرى ومعه صديقه مسعد :
إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
أدي كمان قهوة .. يلا بينا يا مسعد .. ندخل على سهوة .. ايوة على سهوة
ودخلو القهوة .. وكانت هناك من تغني وتقول :
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
الرجال في القهوة يرددون :
يا حلاوة .. يا حلاوة .. يا حلاوة
هوى العصاري
على سطح جاري
هوى العصاري
على سطح جاري
خدني ورماني رماني عليك ولا انت داري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
آآه يا ناري .. يا ناري
منك يا جاري
آآه يا ناري .. يا ناري
منك يا جاري
خني ورماني .. رماني عليك هوى العصاري
طار في الهوى شاشي وانت متدراشي
يا جدع
طار في الهوى شاشي وانت متدراشي
يا جدع
طرفه شاورلي شاورلي عليك .. حكم الهوى ماشي
حكم الهوى ماشي
صاحب القهوة الجديدة .. يؤكد على الموجودين .. ويقول كصاحب القهوة السابقة :
ماشي .. ماشي .. ماشي كلامك آه
الي حيطلب راح يقعد
والي ميطلبش يبعد
الرجل يقول لصاحبه مسعد :
يلا بينا نخرج يا مسعد شارع التورماي
اتنين في المولد اكتشفو وجود اقارب لهم من نفس بلدتهم يقول احدهم :
ناس من بلدنا هناك اهم
روح يا ابراهيم اندهلهم
سلامات .. سلامات .. سلامات على البلدايات
منشدين دينيين يقول واحد منهم :
ليلتكم أنس وجلجلة .. جلجلة .. جلجلة ..
أنشد ولعلع يا ولة .. يا ولة .. يا ولة
شفت في منام صاحب المقام .. ده اوبه .. أوبه .. اوبه
ويمامة حايمة عليه تسبح ربها ..
يا نور النبي .. يا نور النبي .. يا نور النبي
ميّلت فوق
صحوني من النوم .. خدت بعضي وتني جدت
وبعودة .. وبعودة
أمراة تبحث عن طفلتها التي تاهت في المولد وتقول :
يا أولاد الحلال .. بنتي تايهة طول كدة
رجلها الشمال فيها خلال زي ده
رجل يقول :
زحمة يا ولداه .. كام عيّل تاه
ونردد في النهاية ونقول أن المولد هو <<
الليلة الكبيرة يا عمي والعالم كتيرة
مالين الشوادر يابا من الريف والبنادر
الليلة الكبيرة يا عمي والعالم كتيرة
مالين الشوادر يابا من الريف والبنادر
والنهاية آذان الفجر والصلاة ويقول المؤذن :
الله أكبر الله أكبر .. الله أكبر الله أكبر






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:57

الورد جميل
الورد جميل جميل الورد ..
الورد جميل وله اوراق
عليها دليل من الاشواق
اذا اهداه حبيب لحبيب
يكون معناه وصاله قريب

شوف الزهور واتعلم
بين الحبايب تتكلم
شوف واتعلم

والنرجس مال يمين وشمال
على الاغصان بتيه ودلال
عيونه تقول معانا عذول
خلينا بعيد عن العزال

شوف الزهور واتعلم
بين الحابيب تتكلم
شوف واتعلم

يا فل يا روح يا روح الروح
من شم هواك عمره ما ينساك
لكل حبيب تقول بلغاك
حبيب مشتاق و بيستناك

شوف الزهور واتعلم
بين الحابيب تتكلم
شوف واتعلم

شوفوا الياسمين جميل نعسان
حلي له النوم على الاغصان
بكل حنان تضمه الايد
وبه تزدان صدور الغيد

شوف الزهور واتعلم
بين الحابيب تتكلم
شوف واتعلم 
 






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:58

امتى الهوى
إمتى الهوى يجي سوا وارتاح ولو في العمر يوم
يا ناس أنا قلبي انكوى وعيني  ما يـــهواها نوم
في شرع مين يا منصفين العمر كله لوم في لوم
---
ليه يا ترى حيرتني يا دي الهوى   بمـــــلاعبتك
إيه يعني لو ريحتني وعمـــلت غيري لعبــــتك
وتميل عليه وتقول له ليه طاوعتني ما هي غلطتك
في شرع مين يا منصفين العمر كله لوم في لوم






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:58

انا في انتظارك
انا في انتظارك خليت
ناري في ضلوعي وحطيت
ايدي على خدي وعديت
بالثانية غيابك ولا جيت
يا ريت يا ريتني عمري ما حبيت
عايزه اعرف لا تكون غضبان
أو شاغل قلبك انسان
خليتني من يأسي أقول
الغيبة دي غيبة على طول
واتفكر إيه اللي جنيت
من ذنب يسيئك ما لقيت
يا ريتني عمري ما حبيت
اتقلب على جمر النار
واتشرد ويا الأفكار
النسمة أحسبها خطاك
والهمسة أحسبها لقاك
على كده أصبحت وأمسيت
وشافوني وقالوا اتجنيت
يا ريتني عمري ما حبيت
توعدني بسنين وايام
وتجيني بحجج وكلام
وتسلم وتمر قوام
او تخلف وتقول لي نسيت
يا ريتني عمري ما حبيت






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:59

انا هنا يا ابن الحلال
أنا هنا يا ابن الحلال
لا عايزة جاه ولا كتر مال
باحلم بعش
أملاه أنا  سعد وهنا
أنا هنا يا ابن الحلال
مليت لك القلة.. عطشان تعالَ
عطشان.. تعالَ
يا جميل يالله
مليت لك الابريق..
عطشان تعال عطشان.. تعالَ 
وسلامة طريق
أنا ورا الشباك   سهرانة باستناك
علمت قلبي هواك من قبل ما تجيني  والا أتملاك
باحلم بعش
أملاه أنا سعد وهنا
أنا هنا يا ابن الحلال
وإن جيتني يا مهنّي..
ندر علي ندر علي العين والنني
وإن جيت تدق الباب
ندر علي ندر عليَّ القلب يشيله حجاب
فرشت لك رمشي  اخطر عليه وامشي
من شوقي ما بنامشي
باستنى حتى العمر مستني
باحلم بعش
أملاه أنا سعد وهنا
أنا هنا يا ابن الحلال






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 22:59

اوقاتي بتحلو

اوقاتي بتحلو بتحلو معاك
وحياتي بتجمل برضاك

وبحس بروحي بوجودي
من اول ما بكون وياك

وياروحي ساعه ملاقاك
مش بس اوقاتي بتحلو

دي العيشه والناس والجو
والدنيا بتضحكلي معاك

اه من كتر حلاوه الايام
ونعيمي وسعيدي بلاياليك
مش بحسب اللي فات منهم كم
ولا بقدر افكر غير فيك

ده اليوم وياك يساوي زمان
واكتر من زمان بميئه بكره
والليل بلاقاك افراح وامان
حتى ولو كان من غير قمر

انا بيك على طول دائما مشغول
بحلم وبجول وبغني وبقول

اوقاتي بتحلو بتحلو معاك
وحياتي تكمل برضاك

وياروحي ساعه ملاقاك
مش بس اوقاتي بتحلو
دي العيشه والناس والجو
والدنيا بتضحكلي معاك






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:01

اول كلامي سلام
أول كلامي سلام
وتزققيني الكلام
أيام في حضنك أنام
يا مصر يا أمنا
وأطلع في نور الأدان
إذا دعا الوالدان
المدرسة.. والميدان
القلب الأبيض هنا
 






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:02

حبيبي يسعد أوقاته
حبيبي يسعد اوقاته
ع الجمال سلطان
في نظرته وابتساماته
فرحان فرحتك يا زمان
ولما يخطو بقوامه
ترقص الأغصان
ولما ينعم بكلامه
تعزف الأحان
احلف بحبه وغرامه
أصدق الأيمان
عمر الخيال
ما يجيبش مثال في جماله
زي جمال حبيبي
حبيبي زي القمر
قبل ظهوره
يحسبوا المواعيد
زي القمر يبعت نوره
من بعيد لبعيد
زي القمر بس جماله
كل يوم يزداد
وكل ما يهل هلاله
تنعاد الأعياد
والليله عيد ع الدنيا سعيد






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:02

حلوين من يومنا
حلوين من يومنا والله وقلوبنا كويسة
وبقدم أحلى فرحة ومعاها ميت مسا
ياليل طول شوية ... ع الصحبة الحلوة ديه
الغالى علينا غالى ... ولا عمرة بيتنسى
حلوين من يومنا والله والله وقلوبنا كويسة

ياليل ابعت سلامى للناس الطيبة
فكرهم بالمحبة و بأيام الصبا
وابدر أفراحى غنوة ..يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالى علينا غالى..ولاعمره بيتنسى

الكلمة الحلوة دايماً بتجمع شملنا
والشوق يجمع ما بينا والحب يضمنا
ابدر افراحى غنوة يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالى علينا غالى... ولاعمره بيتنسى

حلوين من يومنا والله وقلوبنا كويسة
وبقدم أحلى فرحة ومعاها ميت مسا
ياليل طول شوية ... ع الصحبة الحلوة ديه
الغالى علينا غالى ... ولا عمرة بيتنسى
حلوين من يومنا والله والله وقلوبنا كويسة






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:03

رباعيات جاهين
اعجب ما تعجب
كل شيء له سبب
ولو الكلام كان فضة
والسكوت دهب
والدموع لهب
والخشوع أدب
يحق لك
تعجب وما عليك عتب
ما عليك عتب
عجبي عليك يا زمن يابو البدع
يامبكي عيني زمن
وازاي انا اختار لروحي طريق
وأنا اللي داخل ف الحياة مرغما
عجبي
مرغم عليك يا صبر مغصوب يا ليل
لا دخلتها برجليا ولا كان لى ميل
دخلت انا ف الحياه شايليننى شيل
وبكره حاخرج منها شايلينى شيل
عجبي
نظرت فى الملكوت كتير وانشغلت
وبكل كلمة ليه وعشان ايه سألت
اسأل سؤال، الرد يرجع سؤال
واخرج وحيرتي أشد مما دخلت
عجبي
خرج ابن آدم م العدم قلت ياه
رجع ابن آدم للعدم قلت ياه
تراب بيحي وحي بيصير تراب
الأصل هوه الموت والا الحياة؟
عجبي
يا باب أيا مقفول ،امتى الدخول؟
صبرت ياما واللي يصبر ينول
دقيت سنين الرد، يرجع لي مين؟
لو كنت عارف مين انا كنت اقول
عجبي
أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي منى انا
اخرس ولكن قلبي مليان كلام
عجبي
عجبتني كلمة من كلام الورق
النور شرق من بين حروفها وبرق
حبيت أشيلها ف قلبى قالت حرام
دا انا كل قلب دخلت فيه اتحرق
عجبي
قالوا الشقيق بيمص دم الشقيق
والناس ماهياش ناس بحق وحقيق
قلبي رميته وجبت غيره حجر
داب الحجر ورجعت قلب رقيق
عجبي
يوم قلت آه سمعوني قالوا فسد
دا كان جدع قلبه حديد واتحسد
رديت على اللايمين أنا وقلت آه
لو تعرفوا معنى زئير الأسد
عجبي
بين موت وموت بين النيران والنيران.
عالحبل ماشيين الشجاعوالجبان
عجبي على دي حياة وياللعجب
إزاي أنا ياتخين بقيت بهلوان.
عجبي
ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا دايماً بحور
أعدي بحر آلاقي غيره اتحفر
عجبي
سمعت نقطه مية جــوه المحيط
بتقول لنقطه ماتنزليش فى الغويط
أخاف عليكى م الغرق ..... قلت انا
ده اللى يخاف م الوعد يبقى عبيط
عجبي
إيش تطلبي يا نفس فوق كل ده
حظك بيضحك و انتي متنكدة
ردت قالت لي النفس : قول للبشر
ما يبصوليش بعيون حزينة كده
عجبي
اعرف عيون هى الجمال و الحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبي
انا قلبى كان شخشيخة اصبح جرس
جلجلت به صحيوا الخدم والحرس
انا المهرج . . . قمتوا ليه ؟ خفتوا ليه ؟
لاف أيدى سيف ولا تحت مني فرس
عجبي
دخل الربيع يضحك لقاني حزين
نده الربيع على اسمي . . لم قلت مين
حط الربيع ازهاره جنبي وراح
وايش تعمل الازهار للميتين
عجبي
فى يوم صحيت شاعر براحة وصفا
الهم زال . . والحزن راح واختفى
خدني العجب وسالت روحي سؤال
انا مت ؟ . . . ولا وصلت للفلسفه ؟
عجبي
إنسان . . أيا انسان ما أجهلك
ما أتفهك فى الكون وما اضالك
شمس وقمر وسدوم وملايين نجوم
وفاكرها يا موهوم مخلوقة لك ؟
عجبي
يا نجم . . نورك ليه كده بيرتجف ؟
هو انت قنديل زيت ؟ . . أو تختلف ؟
انا نجم عالي . . بس عالي قوي
وكل ما انظر تحت اخاف انحدف
عجبي
نظرت فوقى للنجوم وانا ساير
رجليَّ عترت فى الحفر والحجاير
بقيت اقول وانا ع التراب : يا سلام
مش بس عبرة اخدت . . لكن عباير
عجبي
سرداب فى مستشفى الولادة طويل
صرخات عذاب ورا كل باب وعويل
وفي الطريق متزوقين البنات
متزوقين . . . للحب والمواويل
عجبي
مع إن كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقي ناس أشرار وناس طيبين
عجبي
ياللي نصحت الناس بشرب النبيت
مع بنت حلوة ..وعود ..وضحك وحديت
مش كنت تنصحهم منين يكسبوا
تمن ده كله . . . ولا يمكن نسيت
عجبي
ياللي انت بيتك قش مفروش بريش
تقوى عليه الريح ...يصبح مافيش
عجبي عليك حواليك مخالب كبار
وما لكش غير منقار وقادر تعيش
عجبي
ياملونين البيض في شم النسيم
لون الحنين والشوق وخمر النديم
ما تعرفوش سايق عليكو النبي
تلونو الأيام بلون النعيم
عجبي
عيد و العيال اتنططوا ع القبـــــــور
لعبوا استغماية .. و لعبوا بابــــــور
و بالونات و نايلونات شفتشـــــــي
و الحزن ح يروح فين جنب السرور
عجبي
يا خالق الكون بالحساب والجبر
و خالقني ماشي بالاختيار والجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي
لا تجبر الإنسان ولا تحيره
يكفيه ما فيه من عقل بيحيره
اللى النهارده بيطلبه ويشتهيه
هوا اللى بكرا حيشتهي يغيره
عجبي
ياللي بتبحث عن إله تعبده.
بحث الغريق عن أي شئ ينجده
الله جميل وعليم ورحمن ورحيم.
إحمل صفاته..وانت راح توجده
عجبي
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات أكتر بترفض تموت
عجبي
الدنيا من غير الربيع ميتة
ورقة شجر ضعفانه ومفتفتة
لأ ياجدع غلطان تأمل وشوف
زهر الشتا طالع فى عز الشتا
عجبي
أنـا كنت شـىء وصـبحت شىء ثم شىء
شـوف ربـنـا . . قـادر علـى كـل شىء
هـز الشـجر شـواشيـه ووشـوشني قال :
لابد مـا يمـوت شـىء عشـان يحيا شىء
عجبي
يا مية ندامة عالقلوب الخلا
لا محبة فيها ولا كراهة ولا
حتى يا قلبي الحزن ماعدش فيك
معلش لك يوم برضو رح تتملى
عجبي
بحر الحياة مليان بغرقى الحياة
صرخت خش الموج في حلقي ملاه
قارب نجاة صرخت قالوا مافيش
غير بس هو الحب قارب نجاة
عجبي
انا قلت كلمة و كان لها معنيين
كما بطن واحدة و توأمين زين و شين
لو دنيا شر، التوأم الخير يموت
و لو دنيا خير الشر هيعيش منين
عجبي
انا اللي بالامر المحال اغتوى
شفت القمر نطيت لفوق في الهوا
طلته ماطلتوش ايه انا يهمني
و ليه ما دام بالنشوى قلبي ارتوى
عجبي
اه لو انا ومحبوبي جزنا الفضا
في سفينة وحدينا و اشيا رضا
ساعة صفا تعجبنا نرجع لها
و الهم قبل ما يجي يبقى مضى
عجبي
ولدي نصحتك لما صوتي اتنبح
ما تخفش من جني و لا من شبح
و ان هب فيك عفريت قتيل إسأله
ما دافعش ليه عن نفسه يوم ما اندبح
عجبي
اوقات أفوق ويحل عني غبايا
واشعر كأني فهمت كل الخبايا
و افتح شفايفي علشان اقول الدرر
ما أقولش غير حبة غزل في الصبايا
عجبي
بلياتشو قال اية بس فايدة فنوني
و تلات وقق مساحيق بيلونوني
و الطبل و الزمامير و كتر الجعير
اذا كان جنون زبوني زاد عن جنوني
عجبي
الضحك قال يا سم عالتكشير
امشير و طوبة و انا ربيعي بشير
مطرح ما بظهر بنتصر عالعدم
انشالله اكون رسماية بالطباشير
عجبي
علم اللوع اضخم كتاب في الارض
بس اللي يغلط فيه يجيبه الارض
اما الصراحة فامرها ساهل لكن
لا تجلب مال ولا تصون عرض
عجبي
اهوى الهوى و همس الهوى في العيون
و بسمة المغرم و دمعه الحنون
وزلزلات الحب نهد الصبا
واكون انا المحبوب او لا اكون
عجبي
انا قلبي كورة و الفراودة اكم
ياما اتنطح و اتشاط و ياما اتعكم
و اقوله كله هينتهي في الميعاد
يقول بساعتك والا ساعة الحكم
عجبي
عبثا بقول و اقرا في سورة عبس
متلومش حد ان ابتسم او عبس
فيه ناس تقول الهزل يطلع جد
و ناس تقول الجد يطلع عبث
عجبي
احسن ما فيها العشق و المعشقة
وشويتين الضحك و التريقة
شفت الحياة لفيت لقيت الالذ تغييرها
و ده يعني العرق و الشقى
عجبي
عالجسر فت الصبح تحت الضباب..
بين اللي لسه بينغرس واللي طاب..
ما اهتز قلبي لنبت طالع جديد
قد اللي ماشي...وتحت باطه كتاب.
عجبي
يا حمرة يا اللي جاية تتمختر
في النيل وطرح النخل لسه اخضر
ما تمدي حبة يا دي شابة
قالت لي عمر النيل ما يتأخر
عجبي
الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور
عجبي
يومي علي الله تنتهي و تغيــــب
الشمس و تعود تاني يوم لهاليب
زي الحياة مأساه و من كترهــــا
بقي لا انتهاءها و ابتداءها عجيب
عجبي
أنا كان لي أب . و كان رئيس محكـــمة
ستين سنة .. ف قضية واحدة أرتمى
بعد المداولة كشفت واجبه وقريت
حلوة الحياة ومضحكة ومجرمة
عجبي
 






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:04

عطار
عطار بقى لي سنة قاعد في دكانى
ما اعرفش أهل الهوى ليه نسيوا عنواني
فاتت صبية على خدودها قمر خوّاف
نطقت دموع السهر برموشها قالت لي عوافي
قلت الله يعافيكِ أهلاً مرحب بيكِ
كل الدكان ليكِ عايزة يا حلوة بكام
قالت ألف وقية صبر يكون هدية
للنار اللي بيَّ بس السعر كام؟
قلت لها : تمنه مش غالي
وعشانك يرخص الغالي
زعلت ومشيت وقالت:
السوق جرى له إيه؟
ظلم الحبايب غلي والصبر يرخص ليه
رجعت تاني قعدت ف ظل دكاني
وعرفت أهل الهوى ليه
نسيوا عنواني






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:05

عندك شك
عندك شك في ايه مش مطمن ليه
عرش القلب ملكته  وتربعت عليه
كل ده قال وتغير اسمح لي ده كتير
بتغير ليه ومن ايه عندك شك في ايه
يا حبيبي يا حبيبي
اطلب مني الروح تسبق وتلبيك
ولا شي غير الروح يا حياتي نهديك
وانت عارفني تمام ما بقلش ده كلام
وانت اللي لا قبليك عندي ولا بعديك

كل ده قال وتغير اسمح لي ده كتير
بتغير ليه ومن ايه عندك شك في ايه
عرش القلب ملكته  وتربعت عليه
كل ده قال وتغير اسمح لي ده كتير
بتغير ليه ومن ايه عندك شك في ايه
يا حبيبي يا حبيبي
مش متأكد مني بعد ده كله كمان..
ده انت العين وانني وانا ليك مهما كان
عايز لسه دليل ان هوايا أصيل
شوف مين سبته عشانك الايام دي وزمان
كل ده قال وتغير اسمح لي ده كتير
بتغير ليه ومن ايه عندك شك في ايه
عرش القلب ملكته  وتربعت عليه
كل ده قال وتغير اسمح لي ده كتير
بتغير ليه ومن ايه عندك شك في ايه
يا حبيبي يا حبيبي
عندك شك في ايه وانت ظالمني معاك
وانا بتحمل ليه لو كنتش بهواك
صدق لما بقول انا وياك على طول
باعلى على البشريه واتحول لملاك






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:05

كده أجمل انسجام
كده اجمل انسجام 
كده يحلو الكلام
كده يبقى للمحبه 
فرحه وشوق وابتسام
من غير الحب وانت
قول على الدنيا السلام
حبك نور حياتي 
نساني معاك آهاتي
وبقربك يا حياتي 
بيدوبني الهيام

كده ما يلوموش عليا 
ولا يشمت حد فيا
كده اجمل انسجام 
كده يحلو الكلام
من غير الحب وانت 
قول على الدنيا السلام
كان قبلك عمري فاضي
قسوه وحرمان وماضي
بلقاك بقى قلبي راضي
وبيقول احلى الكلام
كده ما يلوموش عليا 
ولا يشمت حد فيا
كده اجمل انسجام 
كده يحلو الكلام
من غير الحب وانت 
قول على الدنيا السلام
هناء روحي يا روحي 
وحلو زماني بيك
وبقيت منك وليك 
وبيحلو الغرام
كده ما يلوموش عليا 
ولا يشمت حد فيا
كده اجمل انجسام 
كده يحلو الكلام
من غير الحب وانت 
قول على الدنيا السلام






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:06

كل الاحبه اتنين
كل الاحبة اتنين اتنين وانت يا قلبي حبيبك فين
يطلع عليَ البدر جميل يا بــدر مالـي انا ومـالـك
ماليش يا بدر نديم وخليل اوريه ويوريني جمالك
نورك يا بدر يزيد
وتبقى لـيـلــة عيد
ليلة ما تطلع على قلبين اتنين اتنين
وانت يا قلبي حبيبك فين
افوت على الورد الفتان ولونه يفرح كل حزين
يا ورد تهدى للخلان واهديك انـــا يا ورد لمين
يامفرح الاحباب
بـــلونك الجذاب
يا فرحة تطلع على الفين اتنين اتنين
وانت يا قلبي حبايبك فين
على البحورالناس في نعيم واسرح انا لوحدي واهيم
يســــري النسيم ساحر فتان يداعب الموج الشــــفاف
انظر واتحســــــر
من حسن دا المنظر
واقول ياريتا كنا اتنين اتنين
وانت يا قلبي حبيبك فين
يـا قلبي ده حظك خليك فريد وحدك
اصبرعلى كاسك واشرب على قدك
يجي الهنا في غمضة العين
والــمــر يـحـلى لي
في كاسين اتنين اتنين
وانت يا قلبي حبيبك فين
 






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:07

كل مرة لما أواعدك
كل مره لما اواعدك 
التقيك توعد وتخلف

واما اقابلك واجي اعاتبك..
التقيك تسبق وتحلف
ان ده كان غصب عنك كل مره
ليه تملي بتواعدني 
لما مش عايز تجيني

انت يعني بتعاندني 
والا بتزود حنيني
بكره ياما تشوف اسيه 
لو هواك هان يوم عليه ..
واما اقابلك واجي اعاتبك ..
التقيك تسبق وتحلف
ان ده كان غصب عنك كل مره
ياللي خليت الأحبه 
ع المحبه بيلوموني

خللي صدك فيه محبه 
ده انت روحي ونور عيوني ..
ياليلي ياليلي ياليل...

الليل أهو طال وعرف الجرح ميعاده
وجف دمعي و جفني من ده ميعاده
لهفي على القلب في حبه واوعاده
لا نار اقول نار ولا هي من الفؤاد تبرح
وإن باح بشكواه لا زاده ولا عاده
ياللي خليت الأحبه 
ع المحبه بيلوموني

خللي صدك فيه محبه 
ده انت روحي ونور عيوني ..
بكره ياما تشوف اسيه 
لو هواك هان يوم عليه ..
واما اقابلك واجي اعاتبك ..
التقيك تسبق وتحلف
ان ده كان غصب عنك كل مره
سيبني افكر فيك لوحدي 
كل ساعه وكل يوم

لو علي الود ودي 
انشغالي فيك يدوم ..
بكره ياما تشوف اسيه 
لو هواك هان يوم عليه ..
واما اقابلك واجي اعاتبك ..
التقيك تسبق وتحلف
ان ده كان غصب عنك كل مره






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
جنة النعيم
( فراشة عالم العندليب )
( فراشة عالم العندليب )


انثى
الانتساب: 23/11/2012
المشاركات: 6180
الاقامة:
العمر: 56
التقييم: 98
عدد النقاط: 8886

مُساهمةموضوع: رد: كلمات أغانى الفنان سيد مكاوى   الخميس 20 يونيو 2013 - 23:08

ليلة امبارح
ليلة امبارح ماجاليش نوم  واحنا لسه ف اول يوم
قبل ما ترميني في بحورك مش كنت تعلمني العوم
انا كنت لوحدي وف حالي شفتك ما اعرفش اللي جرى لي
راحة البال راحت من بالي قــلت لها مع الف ســـــلامة
والحيرة قلت لها تعالي  لا ملامة عليَّ لا ملامة
عمري كوم والحب ده كوم
ليلة امبارح ماجاليش نوم 
قبل ما ترميني في بحورك مش كنت تعلمني العوم
غابت شمس امبارح عني خدها الليل خباها مني
بس انت يــــــا قمر طمني واوعى تخاف من اي ملامة
عمري كوم والحب ده كوم
ليلة امبارح ماجاليش نوم 
قبل ما ترميني في بحورك  مش كنت تعلمني العوم






يا مسلمين مين زيكم سيدنا النبى بيحبكم
يدعى لى ربه وربكم يوم الحساب يشفع لكم
الرجوع الى أعلى الصفحة اذهب الى الأسفل
 

كلمات أغانى الفنان سيد مكاوى

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات عالم العندليب الأسمر عبد الحليم حافظ رحمه الله  ::  :: -